An o 13 novembro sine promocia e Europakoro Romano Instituti bašo arti thaj kultura (ERIAK) transnacionalno institucia majbare minjoritetenge an i Europa, so ka kerel zori maškar o Romane thaj na Romane faktoria taro arti thaj kulturakoro stejdžo an i Makedonia.
„Nane socialno inkluzia bizi kulturakiri inkluzia trujal so o romane diskursia ačhon fokusirime an o kherutnipa, sastipe, edukacia thaj buti kote o Roma panda si čhivde an o pervazia kana kerel pe lafi bašo romano pučiba e romane problemonge” vakergja o direktori taro ERIAK an i Europa , Timea Junghaus.
I promocia taro ERIAK an i Makedonia sine notirime performansea tari Romani thaj Makedonikani himna taro romano opersko vokali Ernest Ibraimovski, thaj diskusia an i tema” O predizvikia thaj avutnipa e romane kulturake thaj arteske an i Makedonia” thaj organizirime artistikano performanso taro Durmiš Kjazim, muzikakoro performansko taro autori etnikane muzikake thaj asistento an o orkestro “Tanec” , Bajsa Arifovska thaj teatarsko akti „Roma Refreshment”, fokusea taro genocido upral o Roma ko Dujto lumiakoro amriba taro “Teatar Roma”.
