Presona so hohavne prezentirinel pe sine kaj kerel protektiva ko niamia taro Egipkjania , vakerena tari Asociacia e Egipkjanengiri.
Olengiri vaktavin havljarel pe integralno.
” Amen o Asociacie thaj organizacie so keren Uniba e Egipkjanenge an i makedonia informirinaja savoren kaj i persona Demir Dalip so avrial sikavel pe thaj hohavne prezentirinel pe sar membro an i nesavi NGO so kerel protektiva ko niamia e Egipkjanenge, nane amaro reprezento thaj ni jekh na dengja le dekreto te kerel lafi an o anav taro Egipkjania.
O rajo Demir Dalip hohavne prezentirinel pe sine sar membro taro NGO so nekobor droma anvkerel la sine diferentno anavencar, a odoja NGO faktični nane la oficialno registracia . Akale hohavne prezentacijaja akaja persona beršencar phagel o Kanoni thaj kerel krisoskere aktia hohavne prezentacijaja an o mediumia.
Akava lil bičhavaja dži ko mediumia thaj aver ofisoa themake resarinaja te džanen thaj te inforimrinen buvleste savoren kaj i persona Demir Dalip nikastar thaj nikana na sine leske dendo dekreto te ovel represento sar lideri amare etnikane jekhinake – Egipkjania” tergjol an i vaktavin.
