Kriminalno bande an i Germania organizirime anena sine persone taro majčoroli kategoria , kote desave mediumia notirinen kaj odola čorole manuša sine majbuter Roma hohavne čhiven len sine an i buti thaj palal odova upral odoja funda lena sine finansisko suporto sar lungovakteskere bibuti , paralelno sikavibaja hohavne informacie olengere thaneske taro dživdipa thaj membria an i jekh familia.
Masekoskoro finansisko suporto bašo lungovakteskoro bibukjarno si 409 eura, numa odothe trubul te dopheren pe em aver beneficie bašo čhavorikne dodende love thaj suporto ko pukjibe renta e khereske -apartmano.
Majbaro numero aktia si kerde ko majbaro urabno regiono sar so si o regiono an o Rur.
E germaniakoro govermento vakerel kaj o funkcioneria an o themakere ofisia bukjarnipaske prekal so kerel pe sine i kalkulacia thaj pukjibe o socialno love , sebepi baro forma buti thaj deficiti taro personali an o odola ofisoa , na sine an i situacia te keren majbari kontrola okola so aplicirinen sine baši akaja forma suporto so kergje than te keren pe akala anomalie.
