O autori, žurnalisto thaj publicisti Tomislav Gjurić khedingja thaj kergja majšuže historikne paramisia thaj legende tari hrvatsko historia , maškar so khangirakere, herojsko, mangipaske thaj legende sar ule o thana thaj o dizja an i Kroacia.
Maškar odola si thaj i legenda e hungariakere grofia Feštetić so ko XIX veko sine gazdia taro imoto ko Pribislavec trujal o Čakovec.
O Feštetić ko maškar taro XIX veko an o Pribislavec kergje baro zamko an o pseudogotsko stili , so si but paralelno an o Trakogjansko, uče bare duvarencar.
O khujbe ko komplekso sine tari utarli rig trujal o avdisutno šerutno drumo, sine bari sastrunalo udar thajarabakoro drom so avdive nane le buteder.
Ko parko trujl o zamko sine kerdi fontana thaj šadrvani . Odova sa ikerel sine o grofi – garteneri Andria Krznarič, so sadingja nekobor kašta magnolie. Jekh taro odola kašta si odothe thaj avdive si si notirimo sar monumento baši parkoskiri arhitektura.
Sar so akcentirinela o Gjurić ko plo lil legende bašo zamkoa taro Feštalić o grof Eugen but droma kergja bare party, thaj but kamel sine i romani muzika.
I kjemana but droma bašavel sine leske kana džala sine pe droma thaj o manuša vakeren sine kaj o Eugen sine . Rom. E Eugeneskoro dat but mangel sine te ovel ole murš čhavo.
Numa jekh drom kana si pe dromariba an i Ungaria, oleskiri romni jek rakj bijangja – čhaj. Odoja rakj ko jekh gav trujal o Pribislavec jekh Romani bijangja – murše.
O sluge gele thaj vakergje e groficake te keren trampa, oj manglja thaj agjaar o tikno “Romano” bebe arakhlja pe trujal i grofica. O bahtalo grofo kergja bari fešta kote so alo thaj o bečko thagar Franjo Josip.
O grofi ko zamko bešel sine sa dži ko 1923 berš thaj angja decizia te bikinel ole. Taro odova momenti o zamko sine bašo diferentno aver bukja sar hosteli kote so bešen sine uče činovnikia, a palo Dujto lumiakoro maripa ko odova than sine stacionirime jekh Fundavno škola so dži avdisutno dive odova istemalkerel le i (FŠ Vladimir Nazor taro Pribislavac)
Link: https://phralipen.hr/2018/09/12/legenda-festeticima-romskom-grofu-iz-pribislavca/
