An i rakj ko 23 Oktomvri i organizacia C14 konektirimi an i amerikansko teroristikani baza , thavdingja i operacia ” paldiba” so si kotor tari implementacia e anti – romani operacia an o centralno trenoskoro stasioni an o Kiev.
Jekh taro C14 membria , o Serhij Bondar, ilustriringja i situacia anavkergja la sar konsekvenca tari “operacia užaribaske”.
Ov ko 24 Oktomvri editiringja neve fotografie thaj videa anavkeribaja sar ” olengiri akcia mujal o Roma – čora”
Sar so šaj dikhela pe taro oleskoro Facebook, o Serhij Bondar, trujal so si membro an i neonacistikani organizacia vov si membro thaj an i parapoliciakiri formacia, legalizirimi sar komunakiri garda a finansirimi tari i them.
“Amen siem mobilno te palda e čoren” hramosargja ov.
I C14 si formirimi an o 2010 berš thaj anavkerdi si aso i parola taro 14 lafia ” Amen trubul te kera te ačhon amari nacia thaj o avutnipa taro parne čhave” taro amerikansko nacisto o David Lein. O C14 ničale si konektirime ko buteder kerde atakoa upral civilia, studentia, žurnalistoa, advokaytia, socialno aktivistoa, strancoa. minjoritetia, LGBT aktivistia, but droma keren krisoskere aktia tari natolerancia thaj buteder droma ačhona nakrisime tari them.
