An o 2017 berš o nivelo taro čorolipa an i Republika Makedonia legarel sine 22.2 % jali paše 460.000 dizutne havljargja akala divesa e Themakoro ofiso baši statistika.
I funda tari kalkulacia e čorolipaske sar so vaktavingja o OBS si o resle love, thaj o limiti taro čorolipa si definirime o 60% taro medialno ekvivalentno suma.
Analizirime aso o tipi taro familie, procento taro čorolipa an i familia so isi la duj membroa bareberšengere thaj duj čhave an o 2017 berš si 20%. Aso o majfrenkfetno statuso taro ekonomikano aktiviteto o nivelo taro čorole , a si ki buti persone si 9% a čorole penzioneria si 7.7%.
As o OBS, o Gini koeficiento , sar napi taro naegaliteto ko hulavipa e lovenge legarela 32,5%.
O nivelo taro čorolipa si majučo an i paralela e anglutne beršea kana sine 21.9% jali paše 445 .000 dizutne sine čorole.
