Čačutne bukjake nane ni jekh drom kasno. Odova dikhlja thaj i Alka Vuica kote pašljon o love., pa odoleske pli kariera iranel an i aver rig. Oj planirinel te džal ko romane bijava.
Oj ka chidel ki nevi turnea akava drom, turnea taro romane biava. Oj e romane bendea “Skandal ” thaj o Buki tari Pula snimingje dueti olakere legnedarno purane hiteske “Laži me”.
“Laži me” sine baro hiti ko nakhle berša, so šunena la sine o tikne čhave an i škola, a akana odola čhave barile thaj palem aven ko mle koncertia te šunen odoja gili.” vakerel i Vuica.
O Buki taro romano bendi “Skandal” vakerel kaj o dueti e Vuicaja sine lenge šužo momenti an i kariera, thaj jekhutni sugestia so dengja olen sine te oven maksimalno profesionalno.
Akava si salde starti a ko avutnipa planirinen te keren panda aver gilja tari Alka Vuica ” Definitivno akana isi man bendi so ka bašavel mange ko biava” prokomentiringja i Alka.
” Oj amenge but dengja arka, odoleske siam an o plani te kera thaj albumi olaja” vakergja o Buki taro bendi “Skandal”.
I Alka Vuica isplaniringja sako detali kana kergja pe o spoti thaj kergja peske specialno frizura. Odole frizuraja i Alka kergja thaj peske nevo imidž. O Romane biava ka oven lake prioriteti. Udžarela ko 2016 berš but biava.
Video spot : https://www.youtube.com/watch?v=LRaE7MChyuQ&feature=share&hd=1
