O giljavutno Darko Lazić si ratvardo kana sine le trafikoskir bibaht kana oleskoro auto irangja pe taro drumo ko pašipa taro Pečinci kana iranel špe sine pe jeriencar khere ko Brestača.
Ov sine ratvardo ko buteder thana si le phage kokala thaj frakture a sxine hospitalizirime an i Kliničko centro ko Zemun. Phagi si leske i čham, nekobor rebria thaj butno kokalo.
O Lazić si panda an i koma. Oleske trubula rat thaj apelirinel pe dži ko sa o donatoria so den rat šaj odova te keren an o Instituti baši transfuziologia so kerel buti taro 07 dži ko 19 o saatia ko drom Sveti Sava 39 an o Beograd.
Taro Instituto apelirinena dži o dizutne so šaj den rat te na vazden panika thaj te den suporto sakoneske okoleske so čače trubula.
