Jekh taro agorutne paše familia e Adolf Hitlereske sine le mangin te prandinel pe Jaudijkaja , numa i prandin propeli kana havgje o šokantno fakti em historia oleskere familiake.
O Aleksandar, Brajan thaj Luis Stjuart – Hjuston si agorutni generacia tari familiarno darhi e nacistikno diktatoreske so sasto piro dživdipa nakhavgje le ko garajba olengere kontraverzno familiarno kašt tari lumia.
Ko piro avgo intervju angleder buteder decenia o Aleksandar sar majphureder taro phralja kote maškarutno anav sine Adolf , čhinavgja i garavin te šaj negirinel pire diskusie kaj ola trin džene si len mangin te ačhon naprandime te šaj e Hitlereskiri loza te čhinavgjovel.
Ov vakergja kote jekh taro o phralja, so na manglja te anavkerel ole planirinel sine te prandinel pe Jaudijkaja, numa i prnadin čhinavdili kana havgje savo si oleskoro darhinalipa.
O štarto phral , Hauard kerel sine buti sar danočniko sine prandime , numa mulo ki trafikoskiri bibaht ko Long Ajlend an o 1989 berš . Ole na sine le čhave.
O komšia tari Pačuga an o Long Ajlend , kote so dživdinen o phralja nadžanel khanči olengere familiarno darhinalipaske.
Olengoro dat o Viliam Hitler – kote o Aleksandar ilustriringja ole sar “but šukar manuš” sine unuko e Firereske.
Olengoro papu Alojz Hitler sine jekvaš phral e Adolfeske so prandingja pe jekhe čhijaja tari Irska kote kerel sine konobari an o jekh bari ko Dablin. Odova si i garavin so o phralja garavena la sine sasto piro dživdipa.
– Diskutirina sine thaj irangjam o plania – vakergja o Aleksandar (68) penzionirime psihoterapevto.
Olengoro dat so si biame an o Liverpul , pendžardo sar Vili imigriringja an i USA . Ov sine thaj an o marincia thaj marel pe sine mujal o germancoa. Hitler mujal Hitler sine genialno akti e amerikansko propagandake.
Palo lumiakoro mariba gelo ko Long Ajlend pe romnjaja so sine Germanka i Filis, mangipaja te kurtalinel pe čhaven taro familiarno bibaht sebepi o anav. Ov trampingja o anav ko Stjuart Hjuston so akana legarena o phralja.
O phralja si republikancia numa na teloikeren e Donald Tramp.
-Nesave bukja so vakerel o Tramp si lačhe. Mande so nervirinela majbut Нoleskere maniria. Jekhutne na mangav manušen so hohavena. Sako drom miri vota dava okole personenge so šaj te agorkeren piri buti – vakerel ov.
Ov notirinel kaj del suporto e aktiviteteske so kerel e germaniakiri kancelarka i Angela Merkel.
-Kerel pukar buti. Oj si but šukar. Dikhel pe mange sar but intelegentno persona .
