Dži akana o majbaro rodaripa e romane populaciake an i Hrvatska si kerdo aso inicijativa taro Ofiso manušikane niamia thaj o niamia taro minjoritetia sikavgja kaj 81,2 procentia taro romane čhave dživdinen an o nivelo čorolipaskle, a 54,6 procentoa taro romane famile an o 2017 berš našti te mukhen peske te arakhen medikamentia thaj sasljaribaskere opservacie a salde 7,3 procentia taro Roma isi len standardno buti.
Kaj odova nane asavki praktika nae ni čudno so 46,2 procentia taro hrvatsko Roma gndinen kaj o mediumia ola si notirime majbut an i rubrika Kali hronika – kriminalno hronika.
Šaj odova ka ovel aver percepcijaja kana o žurnalistia pobut ka keren problematizacia e situaciake ko romane čhave kaj 53,9 procentia si bizo toaleti thaj banja an o khera, a 80 procentia taro khera nane len ni kompjuteri.
18,9 procentia taro Roma vakergje kaj sine viktimi tari policiakoro brutaliteti,16,9 procentoa si viktimia taro terori jali atakujme sine salde odoleske so si – Roma.
Fakti si kaj o Ofiso so inicirngja o rodaripa kerel akti anglal džajbe ko baro potencialo ko rodaripa, numa an o avutnipa ka athinel taro but aver aktia sar an o momentia ka athinel taro politikano mangipa.
