I Malika Eminović si biami an o Vranje 1872 berš.
I sasti storia si jekhutni. I Koštana si Romani . giljavel thaj khelela an o kafane thaj si metafora taro but phravdo thaj lošalo dživdipa ko periodo taro o ternipa.
Oj si jekh taro odola šužipa so avel ki jakh thaj i jag taro lošalo dživdipa so e manušen legarel ko bludi.
Trujal piri profesia numa palem oj e čaršiake si jekh šukar thaj pošteno romni soske olakere kale bala ni jekh na astargja thaj ni jekh na pilja olakere šuže kale jakha so i godi da ačhola sine e manušengiri ki olate.
Trujal o lačho krlo giljajbaske ola sine la panda aver bukja. Odoja tikni romani lačhi čhaj sine atraktivno , emocionalno thaj profesionalno sar artisto.
Oj sa akava sikavel sine e manušenge so dikhena la sine thaj šunena la sine kana giljavel sine thaj khelela sine.
Numa kana ka perel sine i rakj thaj i luna ka ikljol sine olate o suno na astarel sine. Oj sine bibahtali, korkoro thaj dikhel sine kaj i rakj si hor thaj kali. I luna ka nakhel sine a oj bibahtali korkoro ka zasovel sine kana o kham ka ikljol sine javinate.
Odoja sine i bibahtali jazia tari i šuži Koštana.
