O Šerutno e Rimokatoličko khangiri lipargja e avdisutne bare themen ko jekh nalačho pučiba taro Dujto Lumiakoro Mariba : Kana o Sojuznikia džanen sine o bibahtalipa an o Aušvic , soske nikana na bombardiringje o pruge e trenengoro so legaren sine len ko akava konc logori ?
“O bare thema džanen sine sare so sine thaj sine len fotosia taro trenoskere rute so legaren sine premal o konc logoria ko Aušvic , kote odothe legaren sine ki likvidacia Jaudien, hristiania, Roma, homoseksualcia.. Vakeren soske ni jekh olendar na bombardiringja odola pruge”?
Akaja notacia dengja o Papa Francisko so hulavgja e grupaja terne manuša tari italiansko diz Torino kote so vakergja lenge kaj but šukar havela kaj si phareste te pakja an i akaja lumia.
Ni majhari direktno na sine an i konekcia e palo odola gulazia taro Sovet Union, thaj premal o traiba mujal o ermeniakoro genocido so angja majbari holi e Turkiake anavekribaja sar genocido.
Liparibaja e ternenge an o cinizmo ko bare thema ko 30-to thaj 40-to berša taro nakhlo veko. O Papa hulavgja piri hoš kaj an i avdusitni lumia sa kerel pe lovenge kote dengja bari kritika okolenge so keren lafi bašo tromalipa thaj sansari a bikinena šastra.
Link: https://off.net.mk/vesti/razno/zoshto-ne-se-bombardirashe-aushvic
