O malverzacie thaj hohavina taro “virtuelno thagar” ko oleskiri anavkerdi IRU Romania 1971, o Dorin Čoaba, nane len agor.
O aktuelno thaj legalno IRU kote sar presidento si o aktuelno lideri Zoran Dimov, an o April 2018 berš resla Invitacia – Dekreto kaj si len konsultativno statuso thaj ECOSOC numero an o Njujork.
Analogno o IRU si le pire ofisora thaj membrora an o UN trujal o Njujork thaj an i Ženeva thaj Viena. O IRU barabutne e Zoran Dimov thaj o Khuram Khan akcentirime si thaj aver membros so ka legaren o ofisia an o odola dizja. Resle o člegitimacie thaj ID numeria vash o aktivitetoa. Ko Njujork vash o IRU aktiviteto si o Anatolij Butakov thaj Bari Fisher.
An i Ženeva o Aguš Demirovski thaj an i Viena i Rosita Gronfors. Sa olencar ka oven thaj o Zoran Dimov . Khuram Khan thaj panda duj aver IRU membria.
Faktea kaj akala divesa o korkoro promovirimo “virtuelno” thagar an o IRU 1971 an i Romania Dorin Čoaba barabutne pire romnjaja an i privat visita gelo an o Njujork thaj lele pea jekh printime baneri so hramosarela IRU 1971 thaj Njujork Ofiso!
Odolea kamel te “sikavel” kaj ake ola da sar IRU 71 si len piro ofiso an o UN Njujork.
Numa oleskere bibahtake diferenciaja taro o validno oficialno IRU kaskoro presidento si o Zoran Dimov thaj oleskere delegatora si len piri registracia thaj reslo Status an o UN so si len oficialno dokumento thaj registracia thaj ID numero akcentirime personenge .
E Dorino nane le asavko dokumento thaj ni ID numero thaj kartica. Ov gndinela kaj jekhe print baner kartonea an o vasta thaj fotosia tari V-to Avenia an o Njujork “ka o Roma ka den le pativ” kaj si le ofiso an o Njujork.
Ov odolesa salde “peravel i intelegencia” e Romengiri thaj korkoro peske del motivo kote hohavipaja thaj falsifikatoa ka resel te sikavel pe kaj si “thagar thaj faktoro” e Romenge!
Dorino but si bibahtale tari tiri rig! So ka vakeren o phure ” O Roma na piena nafta”. Čhinav tiri cirkuziada!
