O gavutne taro akava gav vakerena kaj sar avile o Roma so si taro Kosovo irame readmisijaja tari germania, nane te adaptirinen pe dživdipaja barabutne thaj odova si riziko taro majbare incidentia. Trujal so isi bari diferencia an i percepcia maškar o gavutne thaj o lokalno legaripa akale pučibaske.
Aso o info taro Nascionalno romano Konsilo an i Srbia thaj membria tari i komuna taro Martonoš avile paše 150 kosovakere Roma so kergje paše 30 khera so ko jekh si thaj themutne e Srbiakere thaj angje decizia kaj mangen akate te dživdinen.
Akcentirime si kaj o tenzie startujngje kana počimngja te uklel o nivelo tari natolerantno retorika prekal socialno netvorko thaj trubul te lel pe akcia te šaj konektirinel pe dialogo em komunikacia e lokalno dizutnencar te šaj keren diferencia tari kulturološko thaj socialno aspekto. E komunakoro legaripa kamel te bajrarel e policiakiri opservacia thaj kontrola an o gav.
O Martonošancia reagirinen sar so notirinena ola soske buteder Roma so avile nasne len personalno dokumentia baši identifikacia, nadžanel pe o čačutno numero olemngoro kobor tane thaj but droma pervane o kanoni bašo tromalo dživdipa.
