I parua saste emancipaciake e Romenge prekal o lileskiri vaktavin kergja reakcia ki vakerin taro lideri taro VMRO -DPMNE , Hrisitjan Mickovski kote rodingja o mitingo taro lideria te len than salde o štar lideria taro majbare partie.
„Rajo Mickovski hape bizi roj na hala pe, trubul te džane kaj amen o potikne partie siem i roj thaj majimportantno si aver importantno kaj amen o tikne partie siem jekh a jekh sar o tumare bare partie soske kana kerel pe registracia ko sako štar berša khedaja signature kobor em tumen jali 1050 signature štembilea an o notari . a odova sikavel kaj na siem tikne – numa jekh a jekh siem” akcentirinel pe ki partiakiri vaktavin.
Tari i partia saste emancipaciake e Romenge rodena taro Mickovski ma te kerel diskreditacia e partienge so si an o Parlamento so si len pire membria thaj liparela kaj oleskiri partia reslja majbaro numero deputatia suportoa taro o tikne partie..
„O etnikane jekhina an i Makedonia si 20% thaj odova numero anela decizia bašo but aver bukja an i Makedonia, odoleske notirina te ikljov anglal savorende an i Makedonia thaj te roden jertisar taro sa o majtikne partie sar tu so anavkereja len a nae agjaar , thaj sien sine ki desavi afejtno situacia thaj odova nbotiringjen le an o afekti” kerena reakcia tari i partia baši sasti emancipacia e Romenge thaj den propozalo bašo Mickovski kaj i torta bizošlago nae torta.
” Amen siem o kremi e tortake, sa o Turjlie, Bošnjakia, Srblie, Torbešia, Vlahia, Hrvatia thaj aver nacionalnostia so dživdinen an i Makedonia” notirinel pe an i vaktavin.
