An o 13 juli ko Paraštui o Kriso taro majučo kriso angja decizia kaj sine diskriminacia ko hulavipa socialno apartmania tari rig e Dizjakere Konsiloske tari diz Hilingdon so sine kerdi prekal o Irsko Travelsia .
Odoleske ko akti bašo gulavipa odola socialno apartmania o Konsilo an o regiono taro Hilingdon taro familie rodel sine dokumenti gakti te sikaven kote majhari 10 berša dživdinen an o odova reono.
Trin aplikantia taro Irsko Travelsia sukcesialo dengje kontraakti aso akaja politika taro hulavipa aprtmania , notiribaja indirektno kerdi diskriminacia e nomadenge sar so si o Roma thaj o Travelsia.
O advokati Rebeca Carrier taro Hopcin Marey Beskin so sine sar notirime taro akala aplikantia ko akava akti fokusea o notirimo akti an i decizia kote i politika ko hulavipa e socialno apartmanenge taro Konsilo an o Hilingdon kote si notirime: ” O familie so na dživdinena an o kontinuiteto ko trujalipe majhari 10 berša nane te oven kvalifikujme an o registari baši akomodacia”.
But droma notirinela pe kaj o nomadsko forma dživdipa sikotor tari tradicia dživdipaske ko Roma thaj Travelsia sar kotor tari tradicia thaj olengiri kultura,
Buteder romane thaj travelsko jekhina keren odova taro socialno faktori sebepi i buti. O rodaripa kaj trubul te dživdinel pe majhari 10 berša ko kontinuiteto an o odova regiono si egzamplo tari indirektno diskriminacia mujal o Roma thaj Irsko Travelsia so si protektirime e aktea taro egaliteto taro 2010 berš.
