Organizacie thaj volonteria roden donacie te šaj kinel pe kamp prikolke kote ka thanjaren 40 Romane familie so dživdinen an i periferia an i Tirana. Grupa taro dizjakere aktivistia an i Albania khedena donacie te kerel pe o avgo Kamp Karavani kote ka ovel kamp prikolke e Romenge tari Tirana.
I praktika taro kamp prikolke si jekh forma thanjariba e Romane jekhinake ko aver thema , numa akava si avgo drom asavki inicijativa te kerel pe an i Albania. O kampi udžarel pe te resen 40 romane familie so ko momenti dživdinen an i periferia e Tiranake ko than kote isi nalegalno khera učharde kartonea, palstikaja thaj aver materialia.
I idea iklili palo meripa taro duj tikne bebia so mule persi masek sebepi o šudro vakti thaj abre biršima. O Ened Mato aktivisti tari Tirana lelja o legaripa e grupake tari organizacia thaj volonteria thaj dela lafi te implementirinel akaja inicijativa.
O Mato notiringja ko BIRN kaj o čahve so merena valjani te iranel i sama e themakiri.
“Akala 40 familie keraja zori te da len arka kote isi 80 čhave sare ko riziko taro bilačhe klimatsko temperature. O sojbe an i phuv olen mudarela” – notirinel ov.
“Te dživdinel pe ko asavke šartia so našti džana ki škola, nane len šajdipa te džan ki škola, šeja thaj aver.
Ov pakajala kaj o kampi ka oven praktično momenti te faisalkerel pe akava problemi e Romenge so majodorig ka faisalkerel pe definitivno kherencar.
O organizacie den i incijativa si taro 18-to januari kampanjaja ko socialno netvorko te deonirine pe love dži ko 30.000 dolaria so ka oven love te šaj kinen pe kamp prikolke taro West Europa.
O kampi ka čhivel pe ko reoni tari Škoza ki periferia e Tiranake.
O avgo štar divesa tari kampanja si optimizmi ko aktivistia. Pherdo inteletualcia, artistia prekal video mesažia teloikeren i inicijativa akale kampanjake.
“Dži akana donirime si 8.000 dolaria thaj but biznismenia thaj aver manuša dena love” zokrakerel o Mato.
Ov pakjala kaj pali Tirana i grupa taro organizatoria thaj volonteria ka buvljaren o proekto ko aver dizja sar so si o Elbasan, kote o šartia bašo dživdipa si but bilačhe.
” Ko aver periodo amen planirina te kera stabilno khera trujal kamp prikolke, numa akana trubul te kurtalina o dživdipa e tikne čhavengere” vakerel o Mato
Dikh o linko : http://www.balkaninsight.com/en/article/activists-to-create-the-first-roma-campers-park-in-albania-01-21-2016
