Kriseskiri protektiva panda nane efikasno mehanizmi an i protektiva tari diskriminacia , soske o vazdime procesia si but lungo, thaj abro numero so si viktimia an i diskriminacia si demotivirime te vauden kriseskoro akti.
Akava si notirime an o raporto taro arakhiba jurosdikciakere suportia an i socialno teleperavdi thaj amrginalizirimi populacia an o pervazia e proekteske ” Suporto e NGO mujal o politike an i socialno kohezia thaj diferencia” implementirime taro Helsinško komiteto.
– Majbaro numero viktimia tari diskriminacia si o Roma, persone so si len fizičko thaj intelektualno hendikepo džuvlja taro etnikumia , džuvlja taro ruralno regionia thaj LGBT jekhin thaj notirinel pe trendi kaj bajron o numero taro vazdime procesoa so sikavel kaj akana si i emancipacia majbari akale kategoria manušenge thaj džanen pire niamia kote džan te roden informacie . Isi informacia kaj isi vazdime aktia taro Roma- sikle taro maškarutne škole kote isi salde romane , makedonikane thaj albansko klasia, so si seriozno probelmi thaj trubul te anel pe sasti programa te šaj faisalkerel pe.
Taro Heslinško komiteto del propozalo i segregacia te ovel čhivdi sar ekstra forma an i diskriminacia an o trampe e Kanoneske ko čhinaviba thaj protektiva tari diskriminacia.
An o raporto si notirime kaj e jurisdikciakoro timi taro Helsinško komiuteto vazdingja pandž aktia anglal Europakoro kriso manušikane niamenge an o Strazbur kote sar aplikantia anavkeren pe persone hendikepea jali persone taro Romano etnikumi jali olengere famile. Sa o aktia si panda an i obligacia.
