O Egipkjania tari Makedonia si kotor taro Balkansko Egipkjania so piro darhinalipa notirinen kaj si taro Purano Egipet thaj si jekh taro majpurane civilizacie an o Balkani.
Olengoro thanjaripa si notirime an o buteder istoriografsko, arheološko, etnografsko, lingvistikane thaj aver forme. O Egjipkjania an i Makedonia si len specifikane elementia an i piri etno – kultura , an i piri materialno thaj duhovno em sasoitni kultura , piri specifično endogamija thaj etno – mimikria. Aso nesave dokumentia taro Vatikansko arhivi o identiteto taro egipkjania an o Balkani si panda ko 306 berš.
Šaj dikhel pe o kontinuiteto tari akaja jekhin ko vakti taro historikane periodia sa đi ko avdisutno dive. An o 1867 berš i patrin “Makedonia” editirime an o Carigrad (avgust 1867 berš) isi jekh lil bičhavdo dži ko redaktori a signaturaja taro “Jekh Egjipkjanco” taro Prilep, so hramosarel kaj trubul protektiva e minjoritetenge thaj religiozno niamia e manušenge tari Egipkjansko jekhin.
O procesi taro phravdi notacia aso piro personalno identiteto taro Egjipkjania satrtujnela an o 1970 berš ko kerdo aktiviteto te resel pe personalno selektivno grafa “Egjipkjani” an i statistikani operacia an i Ex Jugoslavia thaj an i SR Makedonia.
Nesave Egjipkjania tari Makedonia an i statistikani operacia an o 1981 berš deklariringje pes sar “Egjupcia” , a sine rasklasificirime sar “Roma” a aver deklariringje pe sar “Egipkjania” abgo drom an i SR Makedonia numa ola da sine klasificirime thaj čhivde an i grupa sar “aver”.
Resarinaja te oven notirime an i grafa sar “Egjipkjania” o manuša kergje peticia, na salde an i Makedonia numa thaj an o Kosovo (upreder 4.000 manuša taro Kosovo čhivgje piri signatura) so sine dendi an o diferentno ofisia ki teganutni SFR Jugoslavia.
Akaja presia agorkergja an o 1993 berš kana o egipkjania resle te čhiven eteganutne jugoslaviakere themutne ofisia te anen i grafa “Egjipkjania” an o liste baši statistika – gejniba.
