O akti taro lanco pabia so kerenobservacia an i diskriminacia an o 2015 berškana jekhe grupake Roma na sine mukhle te khuven ko jekh pabi.
O pab lanco Wetherspoon del suporto e kampanjake te vazdel pe i gind an i diskriminacia upral o Roma thaj Travelsia so na mukhen len te khuven an o pabia thaj restorantia.
I kompania anglutne athingja kaj o Roma thaj Travelsia sine diskriminirime taro o bukjarne. Ko 2015 berš o Wetherspoon pilkongja po 3.500 funte sakone ske taro o trin bukjarne kana ola an o pabi ko Kembriđ , Tivoli na mukhle len te khuven aso etnikani funda.
Ko odova berš o pabi pukjingja thaj 24.000 funte kana sine ando dekreto kaj kergja rasno diskriminacia grupa Romenge ko noemvri 2011 berš soske na mukhle te khuven Roma ko pab Coronet kotor taro North London.
Ko palokurko o Tim Martin šerutno an o Wetherspoon, vakergja kaj sine le mitingo e NGO “Travelsia” te del suporto e Romane jekhinake an i Bari britania so kergje lafi an i akaja tema.
“Sine amen respekto te dikha amen e aktivistencar tari olengiri Komisia an o amaro ofiso. ka kera kolaboracia ko praktike amare bukjarnenge ko akala pučiba thaj suporto e kampanjake” vakergja ov.
