O Roma an i Makedonia si buteder droma targeti e politikane manipulaciencar thaj teleperaviba bašo partisko resarina. Isi kana o Romane politikane partie maksimalno istemalkeren o egzistencionalno problemia ko pšobaro kotor tari romani populacia.
Konekciaja an i akaja storia e romane balenge thaj o luksuzi thaj o čorolipa sar ilustracia e romane sakodiveseske, o rodaripaskoro timi taro CIVIL – Centari bašo tromalipa, arakel akti an i eksplotacia e Romenge an i jekh komuna ko utarpurabalo regioni.
Themakiri kompania kerde kontraktoa jekh delegatoske – membro an o Konsili e komunake, so avel tari jekh romani politikani partia, phanlja kontrakto barabutne hulavipaske love dende taro internacionalno donatoria, te šaj te ikerel pe i higiena an i jekh lokacia so si la bari frekfencia taro manuša. O love sine dende bašo angažiriba 20 persone so ka ovel len Kontrakti bukjake.
Ki buti sine čhivde partisko konekciaja thaj majbaro numero olendar sine Roma. Palo resiba i avgo plata an o konto, sako taro akala biš bukjarne trubul sine te iranel po 3.000 denaria ko vas e “šefeske”- o delegato an o komunakoro Konsili. I elaboracia soske iranen akala love sine kote “kerde feleri” kana mukhle o love an o konto po 3.000 denaria plus, a okolenge so dikhle savo si o “feleri” an o parafirimo kontrakti, sine kerdo lenge sar presia “ka den sako masek po 3.000 denaria jali ka dža tuke khere”.
Numa o “šefi” na ačhilo akate. Sako dive del sine čhingar upral olendethajh daravel sine len kaj ka paldel olen tari buti. Udžaribaja but vakti te šaj khuven an i buti,thaj daravinaja kaj ka ačhon bizi buti thaj odola love so dena len, ola den sine odova “reketi”, o bukjarne na troman te keren lafi thaj keren buti teljarde šerea.
O puliba so dela pe beršencar a nane džovapi: Dži kana o Roma ka oven an o margine e sasoitnipaske an i Makedonia, thaj ka oven moneta baši fiskalizacia an o partiakere interesia!?
O pučiba nane te ovel dendo džovapi sa dži kote o romane lideria thaj i them na sikaven politikano mangipa thaj na den vakti thaj love te šaj čaljaren pe o majminimalno egzistencionalno elemntia bašo romano dživdipa.
O CIVIL – Centari bašo tromalipa, majzorale krisinela akava čhani tari degradacia thaj sgregacia e romane populaciake, thaj narespektiriba bukjakere aktia thaj manušikane hakoja thaj tromalipa. Partisko khujba an i buti,presie, manipulacia thaj mobingo an o kontinuiteti valjani te ovel an i agenda e politikane partienge te kerel pe sanacia e situaciake, thaj olakoro sankcioniripa akale aktonge.
O timi rodaripaske taro CIVIL si le pherdo asavke dokumentia thaj raportia akale situacienge taro telepraviba manušikane niamenge , thaj aver forma taro politikane presie thaj manipulacie.
Fron foto: Božidar Brlakoski
Pobut an o linko
http://civil.org.mk/zivil-otkriva-ksploatazia-na-romskoto-naslni/?lang=mk
