O jevend thaj o tikne temperature si bari presia upral o baro numero čorole manuša tari BiH kote taro berš ko berš si sa majbare. Prekal o raporti tari Lumiakiri Banka paše 48% taro dizutne an i BiH dživdinen an o nivelo e čorolipaja, dži kote 18% si telel odova kritično nivelo.
Majteleperavdi kategoria manuša si o čhave, phure, invalidia thaj o Roma. Trujal so an o Raportia taro Govermenti e BiH nane bokhale manuša, isi divesa kana akala manuša čačutne nane len so te han. Prekal o raportia taro bosnakoro Karitas ko nacionalno kujne bukvalno hana 35 mile manuša.
Buteder olenge akava hajbe si jekhutno hajbe an dive. Sako dive bajrola o numero taro manuša so džan te roden hajbaske ko nacionalno kujne.
Trujal i bokh o problemi akale manušenge si sar te nakhaven o dive 1.5 euroncar, love so an i Bosna thaj Hercegovina šaj kinel pe salde jekh maro, thaj thud.
Jekvaš taro akala manuša dživdinen ko nivelo e esktremno čorolipaja.
Upreder 700.000 dizutne si telel o nivelo e čorolipaske, Odova esapinel pe sar prosek, ko okola familie so si len salde 120 eura love ko maseko. Prekal o raporto tari Eurostat an i Europa 24% taro diyzutne si čhivde an o čorolipa thaj socialno inkluzia.
