Jekh lokalno biznismeni mudargja 13 beršengere romane čhija tari romani mahala an i diz Amfisa, Centralno Grcia , so uli ko palokurko rakjate ko 20 o časo.
O 34 beršengoro biznismeni sine astardo, numa ko dujto di sine mukhlo. O tenzie an o odova regionosi akana but bare soske o lokalno manuša darana taro garazi e Romendar so thargje o vordon e manušeskoro thaj oleskiri dukjana masea.
Aso o raportia ko mediumia o manuš so kergja o mudaripa si lokalno biznismeni, manuš so bikinela mas so dživdinel an o gav Vinijani ko pašipa e romane mahalake . a oleskiri dukjana si an i diz Amfisa.
“But droma ov pire vordaja nakhel tari mahala but sig paldibaja o vordon, so sine leske vaskerdo tari jekh drupa Roma. Palo odova počmingje verbalno thaj palo odova fizičko čhingara. O biznismeni irangja pe an o piro gav khere, numa palo odova palem alo akana pištolea. Ov taro paše than počmingja te phajrarel pištolea, so ratvargja em mudargja e 13 beršengere romane čhija, a jekhe manuše ratvargja., vakerel o portali zougla.gr.
A so neaselida.gr, o ratvardo ko piro sine o 35 beršengoro, Rom, so si dat emudarde čhijake. I čhaj sine khuvdi taro pištoli direktno ko šero, so oj muli ko than.
O manuš palo akava akti počmingja te našel an i paše veš, so but šukar džanel sine odova than. O Roma sine an o šoko thaj počmingje te roden le an i veš te šaj arakhen le.
Link: http://www.keeptalkinggreece.com/2018/06/05/amfissa-businessman-kills-roma-girl/
