I diz Niš trubul te ovel diz kherutno e muzikakere festivaleske e thagareske e romane muzikake tari akaja diz Šaban Bajramović . Trujal so panda si salde sar plani trubul an o majsig vakti te kerel pe organizacia , a udžarel pe thaj suporto taro niško institucie thaj legaripa.
Sar so vakerena o inicijatoriab o Bajramović seljaminkergja e saste lumia taan o anav e Srbiake thaj e dizjake Niš thaj odova si majšukar forma i korkoro tehm te iranel leske te del suporto an i organizacia asavke festivaleske kote than ka len pendžarede muzikakere anava tari Srbia thaj buvle regioneste.
Te liparel pe kaj o Šaban Bajramović kergja dži akana 20 albumia, trujal 50 singlia, jomponiringja upreder 700 gilja.
Ov pali akharin taro Nehru thaj Indira Gandi sine le koncerti an i India, kote oficialno sine nominirime sar thagar e romane muzikake.
Taro magazino “TIME” sine havljado sar jekh taro deđ majšukare bluz vokalia an i lumia.
Odoleske an o 07.06.2018 berš ko 21 o časo an o Amfiteatro an o niško kej ka organizirinel pe anglal o lipar taro Šaban Bajramović sebepi 10 berš sar mulo kulturakiri manifestacia so ka organizirinel o bendi “Kali Mamba” a logistikano thaj tehnikano suporto ka del i diz Niš thaj NKC.
