Veijo Oskari Baltazar tari Finska si pendžardo romano autori. Kana oleskoro avgo romani “Jagalo drom” (Polttava tie ) an o 1968 berš. Akava romani sine avgo kotor kote jekh tari odoja jekhin kote e avere Finconge angja paše ie lumiake i Romani kultura. Taro odova momento o Baltazar kerel pobut romania e romane kulturake thaj olakoro vjavahari premal i kultura taro aver butipa., ov hramosarel pobut romania, drame, gila, naracie, radio drame statie thaj fimeskere scenaria.
Trujal so hramosarel, o Baltazar ko jekh sine aktivno teatareskoro režiseri thaj sar dramsko autori. Oleskoro tikno filmi “I loli gradina” Punainen puutarha, reslja filmsko phursako an o Dablin ko 1980 berš. Ko 1976 ki Finska fundavingjai jekhutni romani teatarsko grupa “Drom”. Ko 1981 berš o teatri “Drom” reslja o phursako sar majaktivno teatri e beršeske. Ko starti taro 80-to berša o Baltazar kerel sine buti sar profesori an i akademia teatareske an o Univerziteti an i Finska. Tari odoja pozicia sine le šajdipa orejal o romano teatri te sikavel kobor si barvali i romani kultura. O teatarsko performansia sine sikavde ki sasti teritoria tari Finska.
Telal o legaripa taro Baltazar bašo o teatri hramosargja thaj režiringja deš proektia sar so si tragedie, poetsko performansia thaj mjuziklia. Ov si pendžardo prekal plo butikeripa taro vizuelno arti. Ko momenti si presidenti taro Internacionalno Unia e Romane autorenge.
O majnevo romani taro Baltazar “Ko mangipa thaj mariba” so iklilo ko 2008 berš. O Romani notirinel i tragično storia e Romenge ko Dujto lumiakoro maripa – bisterdo genocid.
O opus taro Veijo Baltazar si : Jagalo drom (Polttava tie) taro 1968, Verikihlat (1969), Mari(1972), Kristalno topka tari Kali Sara – Mustan Saaran kristallipallo (1978), O sap telal o bar (1988), Phuro (2000) thaj “Ko mangipa thaj mariba” (Sodassa ja rakkaudessa) (2008).
