O koaliciono partenri taro Zoran Zaev , o Samka Ibraimovski taro PCER reagirinela kaj o Ministeriumi baši sociala negativno notiringja bašo o Dive e Romane čhibjake thaj o genocid upral o Roma ko vakti taro dujto lumiakoro maripa.
O PCER si revoltirime tari i notacija so reslja taro akava resorno ministeriumi kote “Asavke aktia , so keren o jekhina konkretno i Romani jekhin , šaj te notirinen ko diferentno forme sar kotor tari tradicia an o pervazia ko ple familie thaj andre an i jekhin”.
– Sar šaj jekh ministeri te na respektirinel i Rezolucia taro Europakoro parlamenti taro 15 april 2015 berš , kote o Internacionalno dive e Romengoro, i Europakiri Unia validiringja le thaj o Memorialno dive taro genocid e Romengoro an o Dujto lumiakoro mariba , a amari ministerka vakerel kaj amen akala duj divesa šaj te ustavalkera len amare familiencar sar kotor tari tradicia.
Akcentirinav e ministerkake Mila Carovska kaj them kandidati bađi EU trubul te respektirinel sa o rezolucie so si ande. Sar deputati sium but bibahtalo tari akaja diskriminacia , numa o vakti ka sikavel kaj i ministerkake akava nae avgo drom agjaar te notirinel e Romen , vakerel o Ibraimovski.
