An o 17 maj palo pharo nasvalipa an o piro 59 berš dživdipaske n o Prizren , mulo o ex romano deputato an o kosovakoro parlamento , žurnalisto, , hramosardo thaj romano aktivisti taro Kosovo, Kujtim Pačaku
Ov sine thaj pendžarutno sar dramsko artisto, poeto, prpfesori pali romani čhib thaJ romano aktivisti an i Europa.
Ko jekh an o Parlamento e an o Kosovo piro lafikeriba sine e Presidente e parlamentoske o Kadri veseli thaj vakergja:
” But sium bibahtalo sebepi o meripa taro amaro butberšengoro membro an o parlamento thaj membro e Romane jekhinake Kujtim Pačaku.
Ov sine majužo hango e romane dizutnenge an o Kosovo, thaj trubul te vakerav kaj si jekh taro čačutne deputatia an o Parlamento.
Ko jekh ov sine havljardo sar ambasadori e kulturake thaj tromalipaske an o balkani ko vakti tari i konferencia.”
Ko jekh sebepi oleskoro meripa an o 18 maj an o kher kulturake ” Žemail beriša” ko 11 o časo ikergja pe komemoracia, a an i đenaza sine an o dizjakere limoria an o Prizren.
