O dikhipa taro o numero kobor Roma dživdinen an i Bosna thaj Hercegovina, varirinena, soske ni jekh na astargja pe seriozno te kerel buti an i akaja statistika. O Ministeriumi bašo manušikane niamia thaj našutne an i akaja tehm ko butikeripa e Romnane NGO sektorea thaj o ofisi bašo socialno butikeripa ko jekh periodi kergja hari buti an i implementacia ko hejniba e Romenge an i Bosna thaj Hercegovina, ko avgo nivelo sebepi socialno zaruripa.
Alo pe dži ko jekh numero taro 40.000 Romanuma aver organizacie si len informacia kote odova numero šaj džal taro 75 dži ko 100 mile Roma. An i jekh ad hok notiripa taro internacionalno organizacie alo pe dži ko numero taro 75.600 Roma.
Avdive ni jekh našti siguritetno te vakerel kobor si čače o numero taro Roma an i Bosna thaj Hercegovina thaj si li odova numero 50,l 70 jali 90 mile Roma
Palo čhinavipa o vizno režimi e Bosna thaj Hercegovinake tari rig tari EU, baro numero bosansko Roma gele ko odola thema te roden azili. Isi but romane gava, thaj mahale so bukavlno ačhile čuče.
Jekh egzampli si i diz trujal i Tuzla – Kalesia kote palo o maripa an i Bosna irangje pe odothe 57 romane familie te dživdinen thaj sine kerde 57 khera. O mahala sine pherdi manušencar. Numa akana i situacia nane agjaar. I asati mahala si bukvalno čuči, kote ačhile salde 5 familie, a o javer gele avrial ki EU majbut taro socio-ekonomsko karakteri.
Bibukjranipa, socialno nasiguriteti thaj elementia tari diskriminacia si karane so o Roma masovno gele tari Bosna.
