O Roma si majbaro minjoriteto na i BIH. Ko vakti e maribaske ko 90-to berša o Roma lele than ko maripa barabutne sa e preperutnencar taro o 3 askeria, thaj ko jekh mule sar o aver da dizutne an i BiH.
Numa o terori so sine kerdo upral o Roma na sine nikana tema ni ko jekh kriso, jali sasti debata an i them so o Roma anavkeren la sine sar piri them.
O Bahrija Otanović , Rom tari Srebrenica ko vakti e maribaske an i akaja diz našavgja 33 dženen tari oleskiri paše familia .
Olengere meribaske thaj ni palo 12 berša pasli kerdi signatura taro dejtonsko kontrakto nane niko lendo an o džovaplipa thaj krisime.
“Savore sine mudarde ko diferentno forme. Neko gelo palo pani thaj odori sine čhurikaja mudardo” vakerel o bahrija. ” Na gelem asmenge tari Srebrenica, soske odori naglutne dživdina sine lačheste.
Siem sine an i gind ” Ni jekhe na sime bilačheste, nikaske na kerdem džungalipa, thaj nas trubul te naša” Odoleske but hari ačhile dživde.
Trao barabutne 53 – romane familie so majbut olendar gejnen sine po 6 džene an i familiaso dživdinen sine an i Srebrenica, angleder o maripa, avdive bukvalno nane ni jekh.
Akava nane jekhutno egzamplo taro Romano chidipa ji vakti taro mariba an o BiH thaj so sine bisterde.
Aso o tikne informacie so kheden pe but raritetno NGO so keren zori te keren aktiviteto an o akava problemi. Majbut Roma sine mudarde ko regiono taro Prijedor, Kozluk, Doboj, Srebrenica, Bratunac, Vlasenicam thaj Zvornik.
O informacie vakerena kote majbut deportirime thaj paldime Roma sine tari Bjelina.
