Kana čhivela pe o pučiba taro agjaar anavkerde “Romane pučiba” kobor si Roma an i Europa, kote keren percepcia sar jekh manuša so ale tari India thaj ale an i europakiri phuv – teritoria. Prekal olengiri percepcia anavkerde majbilačhe anavencar sar so si “Cigani” thaj javer personifikacie sar nomadsko grupe olen a an i Europa si 11 milionia Roma.
I kategoria taro vazdipa o nivelo baši romani populacia kobor šaj ola te integririnen pe an i Paščimali Europa.
Sebepi i kerdi intenzivno marginalizacia, segregacia thaj diskriminacia i romani populacia but lokheste avel dži ko kriminali ko globalno percepcia avere nacionalitetea kote e romen targetirinen sar historikani tradicia thaj mentaliteti taro purano vakti.
Pendžarde si o čipote an i Francia sar thaj ko aver thema an i Europa , kana si o pučliba dendo an i konekcia olengere nacionalitetea, rasa, poli, jeripa, darhianilipa. socialno inkluzia thaj politikano hazarderstvo.
Pendžardi si i čipota an o Paris – Francia kana i policia astargja jekhe 15 beršengere romane čhaja taro Kosovo mangipaja te deportirinel ola barabutne pe familiaja napala, trujal lakiri sasti integracia an o sasoitnipa. Palo kerde protestia thaj aver, o Govermenti angja decizia ka kontrolirinel akaja čipota. Asavke čipote si sakote an i Europa anupral o Roma. Sa tano jekh savore e Romenge.
