Vordon taro tipi “Zastava” ko than transportno instrumento e ofot membrengiri familia odothe dživdinela. Olengiri adresa si tromalo parking than.
I daj i Gjulđana parvarela pire trin kurkengere bebe a o dat o Mensuri jekhe taro čhave gelo te rodel hajbaske bašo sa o javer džene an i familia.
I daj em o čhave vakerena bašo sakodiveseskere problemia so isi len. Oj notirinela kote olakere čhave saste trin kurke nane nangjarde.
Najbaro problemi akale familiake si e jevendarskoro periodo . I gjulđan vakerel kaj si phare ko šudro vakti.
Akaja 8 dženengiri familia ake 5-to berš si ko droma. Nekobor drom arakhle khera mukhle em čuče, numa sako drom aven sine em palden len sine.
E familiake sar majsigurno thaj ačhilo o vordon.
” Nane kote te džav šov čhavencar, nane kaj te džav, te sine khanig te del man suporto akale čhavenge. Nane man love, haja so ka arakhav an o kontejneria. Sovav e šov e čhavencar ko vordon. . Niko na del suporto. Ola vakeren te đav an o Čičino selo, numa me na mangav soske isi manuša so mangen te keren but konfliktia em problemnia” vakerel o Mensuri.
O majtikno čhavo an i familia Bajrami si le salde 3 kurke, a o majbaro 13 berša. O čhave na džana an i škola. Vakeren kaj nane len šartia te educirinen e čhaven. Taro Ministeriumi baši sociala vakeren kaj akava akti ola opservirinenena le.
