Ko akava kafiči si tumen hajbe, pijbe thaj wifi, thaj sa odova šaj te han te pien bilovengoro, numa ka pukjinen salde jekh buti.
„Ziferblatt” si kafiči an o Mančester kote isi tumen hajbaske, pijbaske thaj wi-fi so šaj thaj konzumirinen nalimitirime thaj bilovengoro , a ko ikljojbe salde ka pukjinen tumenge o vakti so nakhel odothe , a odova si 0,06 penia vash sako minuta.
Ko akava baro lokali so isi le čačitni kherutni atmosfera, kaučia, lačhe fotelje thaj plakaria, o gazde keren saste nevo biznisi thaj nevo modeli an o hotielerstvo. a o misafiria vakeren kaj kana bešen akate si sar te bešen peske khere.
Asavko koncepti avgo drom kergja pe ki Rusia thaj o tikno veriga taro asavke lokalia akana buvljola thaj an i Britania. O jekhto si phravdo an o London angleder duj thaj paš berša, palo odova an o Liverpul thaj Mančester, a akana sig šaj te phraven pe panda nekobor.
O gazdia vakeren kote o majtikno vakti sine 3 minutia, kote pukjinga 0,18 penia, dži kote majlungo vakti si kana jekh gosto ačhilo saste 11 saatia, hramosaribaja ko plo lap-top jekh lil. Ko masek ko akava lokali avnea prekal 10.000 misafiria.
Youtube: https://www.youtube.com/watch?v=E1D7d9JLYP8
