Aso i dži akanutni praktika thaj situacia e Romengiri an i R.Makedonia avel pe dži ki konkluzia kaj o Roma si dizutne taro dujto ešaloni.
Aso i opservacia taro persone pali struka o Roma ka oven sako drom sar dizutne taro dujto ešaloni sa džikote na keren inkluzia an o sasoitnipa, te den pe lenge jekh a jekh šajdipa an i edukacia, buti, kherutnipa thaj sastipaskiri protektiva.
Ola vakeren kaj an o amaro sasoitnipa maškar o grupe so isi len thaj nane olen isi manuša so našti aven ni dži ko fundavno niveloa.
Ko jekh isi desave sugeririba kaj o Roma si bisterde an o buteder segmentia thaj si interesno salde an o periodia taro Alusariba .
Neko dopherela kaj isi tikbno progresi an o desave segmentia sar egzamplo barilo o numero e Romane čhavengoro so džana an o gartenia thaj si trampe an o kotor tari sastipaskiri protektiva , numa na but te čajljaren pe o zaruripa.
Numa sar thaj kobor si aktivno an o aver umalja odova si aver diskusia. Sasto egzamplo si o kerde strategie thaj plania an i realizacia odoleske a odova si : Edukacia, kherutnipa, buti thaj sastipa. odothe trubul but buti thaj angažmano te kerel pe progresi an o nesave bukja.
Dži tegani o Roma ka oven dizutne taro dujto ešaloni.
