O korkorenotirime “Thagar e Romengoro” , Opato,, političari, biznismeno thaj aver o Dorin Čoaba taro Sibiu – Romania, palemkhelel peske – Presidento.
Akava drom oleskere IRU 71 taro Sibiu dengja pe godi te kerel Kongresi . Em odova 11-to!!
Pendžaribaja sar manuš kote ki sako forma kasmel te ovel “an o centro tari sama” thaj oleskere apetitia te sikavel pe maškar o čorole Roma tari Romania sar olengoro “thagar – lideri”vvdengja pe godi o nakhlo vikendi 20 thaj 21 aprilo te kerel akti navalidno thaj nalegitimno IRU 1971 notaciaja kaj odova si 11-to Kongreso!
te na khuvel ko baro harči lovencar ov taro piro familiarno budžeto , i lokacia notiringja i an i oleskiri mahala an o Sibiu ki oleskiri lokalno khangiri kote si thaj pastoro „Alci este Casa lui dumnezeu – Poarta cerurilori„ jali an i translacia „Alci si Develskoro kher – Udar premal o del”
Čhivgja fotografie taro tikne flagoa taro desave thema (asocoacija kaj misafiria si taro aver thema) an i čuči hala an i khangiri , snimingja nekobor minutengoro vide, sar finiširinen i dekoracia an i hala čhivgja stolice thaj odokhar.
Kergja fotosesia avrial olekere buvle familiaja uravde an o tradicionalno šea thaj sar “general Kutuzov” prodefiliringja sar lideri.
Numa o Dorino gindinel li bašo konsekvence taro akava oleskoro akto?
Džanel li o Dorino so džanen savore avera kote o avutno Kongreso taro legitimno IRU aso o IRU Statuto so si registririme an i Viena, Austria, (a na khere oleste ko Sibiu) kote desave diveseske ka resel thaj o oficialno ECOSOS numero taro UN – Njujork, o Kongresi si notirime sar “Demokratsko tranzicia” kote sar šefo e Komisiake si o dat e IRU-skoro o rajo Grattan Puxon – o jekhto gen sekretaro taro historikano jekhto Kongreso an o London an o 1971 berš , thaj akava Kongreso ka ovel elektronsko votipaja thaj ka implementirinel pe an o augusto 2019 berš kote an i baza si notificirime dži akana upreder 4.000 Roma tari sasti lumia!!!
Džanel li o Dorino kaj taro 2016 berš si le piro aktuelno thaj legitimno IRU presidento o Zoran Dimov thaj oleskere viceprsidentia. Si e IRU parlamento kote sar Presidento si o Stivo Balog Radul thaj oleskere vicepresidentia.
Džanel li o Dorini kaj an o IRU isi Komisie?
Džanerl li o Dorino kote e validno thaj oficialno IRU si le Kabineto thaj membri an o diferentno institucie thaj ofisia sar so si Konsilo e Europakoro, an o ERTF, an o Brodo taro EVZ , an o UN thaj aver.
O ofisialno thaj legitimno IRU si le piro Statuto, programa thaj plano thaj sa odola dokumentia si dende an o EU, EK, EP, UN thaj aver.
Fakti si kaj o Dorin Čoaba khelel pe jagaja. Asavke kerde malverzacie thaj falsifikatia ka ovel krisime anglal Tribunalno institucie thaj anglal aktuelno thaj legitimno IRU Kriso an i Swedia. Numa ov siklilo te ovel krisime, phanle thaj te ovel telal opservacia tari policia thaj Krisia.
Numa fakti si kote asavke aktivitetea o Dorin Čoaba ka kerel o institucie te keren akti mujal oleste thaj sa okola so si paše oleste.
Dorino ladžavo si te kheles e anavea thaj o respobiliteto taro IRU thaj e Romencar , em te “meljare o romano identiteto”.
Te sian čačuno “Devleskoro čhavo” sar so kames te vakere but droma , ma ker buteder malverzacie hohavina thaj manipulacie an o anava e Devlea.
