E dizjakoro šerutno tari diz Beograd akala divesa sine le dikhipa e germaniakere ambasadorea an o Beograd o Aksel Ditman, an i konekcia e barabutne proekteske so trubul te implementirinen pe an i šerutni diz an i Srbia.
Sar so akcentirinel pe an i informacia šerutni tema e lafikeripaske si realizacia e kontraktoske so si parafirimo sat tehnikani konekcia telal o anava “Fundavno aniba pani thaj sanitarno aparatura ko naformalno mahala an o Beograd”, maškar dizjakoro šerutno thaj e germaniakiri organizacia bašo internacionalno butikeripa – GIZ.
Akale proekteske bašo Roma tari akaja naformalno mahala ka šaj te kerel pe lenge ničale – permanentno aniba pani, sanitaria bašo 6 masekoja. I realizacia akale proekteske akale 145 romane familie so dživdinen an i akaja mahala an o Novi Beograd, ko pašipa e mahalake Mirijevsko Brdo an i komuna Zvezdara, ka arakhel pe lenge majačhe šartia dživdipaske, akcentirinel pe tari diz Beograd.
An i akaja informacia sar so dopherel pe si phanlo lafi o ambasadori e Germaniakoro an i Srbia thaj e dizjakoro šerutno e dizjake Beograd, ka len barabutne than ki ceremonia taro notiripa starti an i realizacia akale proekteske.
