An o pervazia taro pire aktivitetia an i konekcia e realizaciake e proekteske “Identifikacia personenge bizo sertifikato personalno lil taro biame an i Topaana thaj Čair”;
telal referentno numero: 0818-6.1/04. Akava proekti si sub -grantirimo an o pervazia e proekteske :“Avri tari rota – fantomia an o sasoitnipa”/ “Outside the circle – invisible in society”; Referentno numero: IPA/2015/381751, so si registririme an i CDAD baza taro informacie internacionalno suportoske an o Sekretariato europakere pučibaske numeroa 07/02-17/3153 taro 03.03.2017 berš.
I Edukativno Unia taro reciklatoria (ZEUR) havljarel Phravdi akharin bašo angažmani taro 2 persone baši terensko buti: Identifikacia personenge bizo sertifikato personalno lil taro biame an i Topaana thaj Čair thasj Kreacia an i baza informaciencar personenge bizo sertifikato bianibaske thaj vizite an o tereni – lafikeriba e personencar muj ko muj so nane len sertifikato bianibaske tjak evidencia e čhaven an o škole.
O periodo so ka oven angažirime si 7 masekoa pherde bukjarne vaktea startea ko momenti kana ka čhivel pe signatura an o Kontrakto.
Bruto honorari si 159 eura an o masek ()an o denarsko kalkulacia aso o kursi an i NRBM , kote so ka ovel pukjime thaj o danok.
Sa o kandidatia ki akaja Phravdi akharin trubul te bičhaven piro CV thaj Diploma so majhari agorkerde maškarutne edukaciaja.
Aplicirinel pe odolea so anel pe an i arhiva an o Asociacia baši edukacia thaj protektiva e recikaltirenge taro sekundarno gunoj – EDUKATIVNO UNIA E RECIKLATORENGE – ZEUR, Skopje, Ul. 376 br 108, 1000 Skopje jali prekal e mail: [email protected]
Te bičhavgja pe i aplikacia prekal e mail o dokumentia trubul te oven an i skan forma signaturaja.
I aplikacia trubul te ovel dendi an o roko taro 5 (pandž) bukjarne divesa tari i havlajrin – 17.04.2018 berš
