Kana udžarel pe i Patradi oj si diferentno tari them ki them. Sar ko buteder thema thaj o kambane taro khangira an i Francia na khuven ko Baro Paraštuj sar notacia e meripaske taro Isus. Numa i legenda vakerela kaj o kambane ujranan premal o Rim thaj iranen pe napalal ko vakti kana ka khuven an i Patradi.
An i Čehia thaj an i Slovakia, o murša thaj o terne čhave ka kamšikujnen e džuvljhen thaj e terne čhijen dekoririme instrumentia so si džndžurime lentaja.
Akava adeti tradicionalno ikerel peko palokurko, ko dujtodive tari Patradi thaj nane kerdo te kerel dukha ko džuvlja, numa del motivo te arakhen piro sastipe thaj lačhipe.
An i Polska thaj Rusia keren bakhre taro outeri. O puteri si kerdo an i forma taro bakhro. so si sar kotor taro jekh hajbe. Ko New Zeland i tradicia si te garaven o patradiskere jare , a nesave manuša an i Švajcaria barikane sikaven o jare baši Patradi. An o Nion , paše i Ženeva, i tradicia si te keren lačharde šadrvania taro luklugja, pandelke thaj jare.
Kote te oven an i lumia, o Jaudie an i Patradi si importantno barodive te nakhen pire familiaja. Ko vakti e barediveseske ola hana hajbe so si simnolika sar so si maro thaj jare bizo kvasaci.
Ki Amerika o čhave baši Patradi džana thaj rodena jare so si garavde an o avlina. Odoleske o Parno kher phravel pire idara bašo čhave so rodena o jare.
Ki Bugaria i majphureder džuvli an i familia e avgo farbime jarencar lole kolorea galinel o muj sakone čhaveske an i familia sar simboli sastipaske thaj bahtake ko čhave. Pali kurkeskiri liturgia o Bugaria frden o jare ko duvaria tari khangiri.
