I reakcia an o anava taro IRU a ko jekh sar olakoro Presidento si legarde aso dendi vaktavin tari rig e Direktoreske taro Themakoro Ofiso baši statistika an i R; Apostol Simoski sod el propozalo te ikaven pe o grafe etnikano preperiba thaj religia an o avutni statistikani evidencia.
Savore džanena kaj akaja statistikani operacia si but importantno informacia ko buteder demografsko, socialno, kulturakerem etnikane, religiakere thaj aver karakteristike ko desavo pšeridoan i jekh them thaj ka ovel navalidno bizo informacie etnikane preperiba thaj religiakoro prepriba e personenge so ka oven evidentirime.
O čuče thana taro akala informacie ka kerel problemia te kerel pe opservacia e socialno aktivitetenge e Romane jekhinake thaj arakhiba o kulturakere, socialno karakteristike thaj ka oven bare problemia taro nanipa baza an o informacie asavke karakterea.
I grafa etnikano anav si but importantno e romane jekhinake so dživdinel an i Republika Makedonia soske i them si la obligacia te implementirinel i Romani Strategia 2014 -2020 berš so del buteder afirmativno aktia so si konektirime etnikane preperutnipaja a majbut an o edukacia thaj programe so del i Agencia bukjake an i R.Makedonia.
Legardo taro fakti kote akale vakeribaja amenge e romenge si sar tendeciozno aso o majtikne etnikane jekhina sar so si i Romani populacia kote jekh numero tari akaja populacia trujal dajakiri čhib istemalkerel thaj aver čhib majbut aso o majbare etnikane jekhina an i republika makedonia thaj akava šaj te legarel an i manipulacia e manušencar veštačji te segregirinen pe an o majbare jekhina an i Republika Makedonia – si i notacia thaj reakcia taro IRU Presidento Zoran Dimov.
