Palo Goman klani taro Leverkusen isi milja membria an i germania, so majbaro numero olendar si Roma tari Srbia, hramosarel i austrisko gazeta ” Hoit”. Ola aso o notirime informacie si socialcia beršencar napalal.
Numa o fotografie postirime an o FB profilia notirinen kaj i situacia si averčhane aso oficialno notirime an i them. Ko fotografie si notirime o membria akale familienge dživdinen barvale thaj an o luksuzi so akava klani si le an o nalegalno forma.
Aso o mediumia i them našti te čhivel agor akale situacienge. Ko akana sig kerdi policiakiri racia štar džene tari jekh asavki familia ko baripa taro 42 dži ko 54 berša, sine astarde konektiribaja thaj desavo majkl G. (42) . Ko vakti e raciake ko 70 familiende sine lendi baro numero luksuzno vordona ko moldipa taro 800.000 eura, 40.000 eura an o keš, thaj abro numero, nakit, luksuzno saatia thaj aver kuč artiklia.
Sa o moldipe astarde artiklonge nakhavela upreder 1 milioni eura. O šubikerdo Majkl G. te angje kriso šaj te phanljol taro 6 masek dži ko 10 berša.
O Frenk Šenberger političari tari partia CDU thaj advokati em ko jekh viktimi akale klaneske bašo “Bild” vakerel kaj akala familie si pendžarde an o Leverkusen thaj avile angleder 50 berša.
Majnaglal avile karavanea Palo odova khuvgje ko khera numa na čhile odoteh thaj sako drom džana ko aver apartmania – vakerela ov.
