Prekal o informacie taro germansko WAZ , a diz Duisburg jekh berš editirinel pe i avgo romani gazeta “Bahtalo”. I avgo romani gazeta hramosarela sar si o dživdipa e Romengoro an i Germania. Ko jekh informirinela kote mujal o Roma si pobut stereotipia sar so si: nabukjarne, čorena, dživdinen ko gunoja thaj aver, Akaja gazeta kamel te sikavel e Romen taro aver aspekti e dživdipaske e Romenge an i Germania.
“Mangaja te sikava e Romen , asavke save si” akcentirinel o Martin Redies membro e biradžakere organizaciake ” O manuš si manuš” (“Mensch ist Mensch”). O Romano dživdipa ka ovel sikavdo prekal storie bašo romane persone, romane jazie, šuže fotosia , receptia thaj aver. O martin Redies, akcentirinel čače kaj o Roma si naeducirime , thaj akcentirinel kaj akaja gazeta si avgo an o akava kotor e Europake.
O printiba si ko tiraži taro 1.500 kotora so si len 16 riga. Ov ka distribuirinel pe ko 150 kontakt centria, so ola majodorig ka bikinen le. I gazeta ka del pe lenge prekal 0.50 euro, thaj ola ka šaj te bikinen le moldiaja 2 eura ki gazeta, kote e partenrenge so ka bikinen ka anel thaj kapitali.
Informacia : http://www.derwesten.de
