Ake alo odova da dive thaj o majnevo produkto taro SP BTR an o dokumentarno filmeskoro produkto, an i koprodukcia e Studio 7 thaj finansiko suportoa taro Filmsko Fondi e Makedoniake kote i premiera ka ovel an o 1 Mart an i Kinoteka e Makedoniake an o Skopje.
taro organizatori – producento e filmeske Zoran Dimov si havljarde kaj ka ikerel pe taro 19:00 časo thaj akaharde si buteder misafiria.
O Dokumentarno filmi “Lokalno heroia – Lumiakere Talentia ” konektirinela teme so aktuelizirinel likia – Roma so keren zori te eliminirinen stereotipia mujal o Roma kote prekal odola persone bičhavel pe jekh mesažo mujal o aver nacie.
Odola persone si: Bajram Severđan – Dr Koljo, Vaska Jankovska, Esma Ređepova Teodosievska . Muharem Serbezovski, Rahim Burhan, Abdi faik thaj Zoran Dimov, thaj aver persone so keren lafi an o filmi sar so si Emir kusturica, goran Bregovič, Stole Popov, Dančo Čevreski thaj aver
