Odothar vakerena kaj alarmantno si i informacia kote trujal akava akti isi džđanlipa kote panda duj aver aktia isi tikne romane čhiencar.
O Helnsiško komiteto manušikane niamenge rodelqw o Ministeriumi baši socialno politika te kerel opservacia akale akteske , thaj sar so vakerena odothar , seksualno maltretiriba tikneberšengere personake tari Themakiri institucia so arakhela čhaven edukaciakere – pedagoško problemencar “25 Maj”.
– Taro raporto taro ERRC ikljola kote o čhija taro ofiso sine legarde ko čhavorikano nilaeskoro kampo kote napendžardo murš sesksualno maltretiringja akale tikne čhien.
Kana sine irami an i Institucia , i čhaj notiringja akava akti ko legarutne e ofisoske, numa i notacia na sine akceptirimi relevantno thaj sine došakerdi kaj hohavela.
Palo odova i čhaj sine rekomandirimi thaj legardi an o aver institucia “Ranka Milanović” kote dikhlja pe kaj ačhili dovogende sar rezultati taro seksualno akti , notirinel pe an i vaktavin taro Helsinško komiteto.
Odothar vakerena kaj trubul te dikhen pe o faktia taro ERRC kaj an o akti si konektirime thaj o bukjarne tari institucia thaj na kergje kanonikane aktia.
