An o Niš akana sig kote than lelja thaj o jekhto so ačhilo dživdo logoraši o Vladimir Jovanović (93) thaj aver persone taro politikano thaj civilnikano dživdipa an o Niš thaj o trujalipa lele than an i notacia 76 berša taro kerdo našipa e logorašenge an o germansko konc logoro Lolo Križo an o Niš.
An o 123 fevruaro 1942 berš taro logoro kergje mangipa than o našiba 147 logorašia kote te našen resle 105 olendar.
Čhijbaja vencia an o memorialno kompleksia e dizjakoro šerutno an o Niš o Darko Bulatović , a piro lafikeriba asine e dživde logoraše o Vladimir Jovanović vakergja kaj an o odova logori sine džuvlja, čhave thaj aver logorašia.
Odova našipa taro logori sine jekhutno asavko akti ki teganutni okupirimi Europa.
O feldkomandanto an o Niš aso e askereskiri komanda an i Srbia dengja dekreto kote bašo mudarde 11 stražaro sar akti taro revanšo sine mudrade o phanle ko logori.
Nekobor divesa palo odova an o 17 fevruari 1942 berš an o logoro sine mudarde 584 logorašia , palo odova baro numero Roma majbut murša thaj Jaudie .
O numero so sine egzekutirime sine 850 persone. An o logoro ačhile salde 150 logorašia.
Palo akava našiba i džiteganutni barikada kerdi taro žica posavinaja, sine čhivde uče betonsko duvaria.
