Angleder nekobor masekoa an o bugrasko mediumia iklili informacia kote an i jekh diz ki Bugaria i policia kergja racia an i jekh lokalno džamia, thaj phanlja manušen so si došperavde kaj preperen an o radikalno Islami. Kerel pe lafi baši kerdi akcia lendi persi berš ko agor taro noemvri kana an i romani mahala ki diz Pazardžik an i Bugaria sine nasakodiveseskiri čipota. Specialno policiske jekhina transpoterencar khuvgje ki mahalathaj gele dži ki lokalno džamia Ebu Bekir thaj kergje racia.
Palo odova sine phanlo o lokalno imami e džamiakoro Ahmed Musa a dži ko agor e diveseske phanle sine ki odoja racia thaj aver 26 džene . Ola sine došperavde bašo buvljaripa thaj propaganda radikalno silami. I policia kergja thaj racia thaj rodaripa ko aver 40 khera telal šubikerina kaj isi odothe ISIS prpagandno materialia. Ko odova pli reakcia kergje o aver dozutne so džana an i džamia transparenetncar ” Nane aver Devel trujal o Allah ” kote averengje si pendažrdi kaj si o temeli e islameskoro, numa thaj odova konektirinen e hramosaripaja an o kale falogja taro ISIS.
Pobut an o linko – http://www.politico.eu/article/islamists-balkan-foothold-extremists-among-roma-in-bulgaria/
