O incidento ulo kana policajcia astargje duj tikenberšengere Romane čhaven telel šubikerin kaj kergje čoriba taro bakari. O tikne Roma sine len po 13 thaj 16 berša .
Palo odova ale 20 persone majpaše familia e čhavenge ale an o policiakoro stasioni an o Bor thaj majanglal kergje verbalno palo odova fizičko kontakto.
An o odova sasto haoso sar so vakeren tari policia , ratvarde sine thaj duj policajcia.
I reakcia tari paše familia vakeren kaj o čhave na kergje o čoriba thaj si bizo faktia astarde thaj phanle.
Telal šubikerin kaj lele than an o mariba , phanle si 4 persone thaj odova R.Z. (44), Š-Z. (39), S.Z. (28) thaj S.Z (25). Savore taro Bor notirime si an i informacia tari policia.
Telal akti kaj kergje seriozno phagibaskoro akto atako upral oficialno persona ko vakti kana kerel piri buti , ola ka oven legarde anglal o kriso te vakeren so sine.
Dži kote si o kontroliriba taro olengoro intervju anglal o Kriso thaj save si aktia lende, nane nisavi dendi informacia tari policia thaj taro Kriso.
