O Bekir Demir , 39 beršengoro Rom mulo taro butdoziripa an o phanlipa an o Idrizovo salde nekobor divesa angleder te ovel mukhlo taro phanlipa. Ov si oftoto phanlo so mulo an o KPU Idrizovo an o 2017 berš, a štarto Rom so mulo ko makedonikane phanlipa ko periodo taro salde 9 masekoa, vakeren taro Europakoro centro vash niamia e Romengere ofisea an i Budimpešta.
Taro ERRCvakerena kaj akava akti ka sikaven le anglal o kriso , sar forma tari pluralno mujalkrisoskoro akti so konektirinela o meripa taro aver trin meribaskere aktia ko phanle Roma mujal o Ofgiso ko keriba sankcie anglal o Ministeriumi vash jurisdikcia.
„Palem o faktoria bašo meriba jekhe Romeske si na siguritetno thaj nasklar. E Bekimeskiri familia reslja telefonsko alarmo olestar ko dive kana mulo. Ov vakergja kaj but phareste lel lufti kana o doktori an ophanlipa dengja le injekcia so hošingja pe paralizirime . Ov rodingja tari piri familia te aven an o phanlipa te šaj te len le.
Taro ERRC vakerena kaj omeriba akale terne manušeske but si sar ilustracia o meripa taro aver duj Roma akava berš, odova si o 25 beršengoro Jusinov Erdal thaj 21 beršengoro Andrias Redžepov . Oladuj mule aso doziriba medikamenterencar mujal o dukha , thaj o duj došperaven e sekjuriti thaj o doktoria an o phanlipa kote maltretiringje len but thaj ko duj dežene o doktoria na mangle te interverinirinen обвиниле nekobor saatia naglal te meren.
