I ministerka bašp buti thaj socialno politika i Frosina Taševska – Remenska vizitkergja e familia tari Magbulje Amet kaskoro kher sine thardo ki eksplozia tari plinsko boca an o 5 januari ko Dračevo. O kher kote dživdinen sine trin familie thabilo saste.
Sar so vakergja o Ministeriumi baši buti thaj socialno politika, o čhavo o Menderez Amet informiringja e ministerka Taševska – Remenska kote o ratavrde si panda an o hospitali, ao duj džuvlja (oleskiri daj thaj i bori) si ko kritično hali.
O javer čhavo Idriz Amet kaskoro kher thabilo saste numa nane thaj ki situacia te dživdinel odothe akana dživdinel ko oleskoro phral ko Lisiče.
I ministerka Taševska – Remenska manglja lennge sig sasljaripasa okolenge so si ratvarde ki bari jag thaj trujal dende lafia vakergja kaj ka del olen lovengiri arka ko prosek taro duj plate tergjol an i vaktavin.
E membronge taro odova ministeriumi ki vizita sine olencar ekipe taro Lolo Krisi tari diz Skopje kote e familiake dengje sar donacia paketia hajbe, šea, kebe thaj higiensko artiklia
