Ani makedonia isi šelencar dizutne so si apatridia (persone bizo dokumentia ) kote 70% olendar si Roma , sikavel o raporto “O Roma preperena – Bithemutnipa, diskriminacia thaj marginalizacia e Romenge an o Paščimalo Balkani.
E Makedoniakiri asociacia e terne pravnikongev an o piro aktiviteto an o tereni taro 2010 berš dži akana identifikujngje 664 aktia taro bizo dokumentia , sar so si nahramosardo than bianibaske, plesutno anav thaj nane len themakoro sertifikato., a olendar si 70 procentoa Roma, akcentirinel pe an o raporto.
Aso i Nina Marij taro Europakoro netvorko taro bi dokumentia, an i Europa upreder 600.000 manuša bizo dokumentia a an i sasti lumia olengoro numero si paše 10 milionia.
– Sebepi so nane len dokumentia baro numerio tari romani populacia dživdinel bizo dokumentia thaj našti te sikaven piro identiteto.thaj nacionaliteto.. Bizo dokumentia arakhen pe o manuša problemencasr te šaj keren pire fundamentalno niamia ani edukacia, sastipe, buti thaj tromalo phiriba, vakergja i Marij.
An o raporto akcentirinel pe kote an i Makedonia aso oficialno statistika isi 53.879 Roma jali 2,7 procentia taro sublimato dizutne an i them.
