Ko jekh oleskoro intervju o legendarno vokali e rok grupake “Led Zepelin” Robert Plant (69)vakergja kaj si le romane darhie thaj oleskiri daj sine Romani. Ov dophergja: ” Mi daj sine Romani, olakere bala sine gusto so but phareste i kanglik khuvel sine ko olakere bala . Me sium but bahtalo so odola si mire darhie”.
O Robert Entoni Plant si biame an o 20 avgusto 1948 berš an o West Bromvič a barilo an o Hailsoven. Ov si pendžarutno britansko vokali thaj tesktopisco a majpendžarde sar vokali an i grupa “Led zepelin” . O Plant si jekh taro majimportantno vokalia an i historia e rok muzikake.
An o 2006 berš . o heavy -metal magazino “Hit Parader” alusargja e Plant sar majbaro metal -vokalisa vakteske, a an o 2009 berš aso o votiba kerdo taro “Planet Rock” ov sine notirime sar majbaro vokali an i rock – muzika.
