Ko maripa maškar duj familie Roma an o zagreb, jekh terno 20 beršengoro Rom našibaja arakhlja pe an i jekh avlin kote jekhe zagrebčanka saste ratvalo rodingja salde jekh tahtaj pani
Džanav kaj na mangen man soske sium Rom numa den man suporto! Mangav hari pani!
Pani niko na dengja le thaj garavipnaja dikhen sine taro pendžerke.
O mariba maškar o duj familie ka džan sine majodorig numa bahtake avili i policia thaj i situacia ćhivgja saste telal i kontrola.
Numa akaja sasti storia nane odokhar aver importantno numa o vjavahri e manušengoro te dikhlja neko Rome, ko droma, dukjania, busi thaj an i škola.
O terno ko akava incidento te sine le sine startno pozicia sar sa aver terne naRoma šaj ka ovel sine sar pire vrsnikia, ka kerel sine buti, ka ovel le sine kamli thaj aver, ko than te našel ko desave avlina te rodel suporto thaj jekh tahtaj pani thaj dar pire dživdipaske.
